是我，你好

朱嘉琪ê自我介紹

我，朱嘉琪,生長佇一个充滿愛的家庭,出世佇咧雞籠,雞籠是一个真gâu落雨的所在,自細漢我就已經習慣逐工落雨的日子。我的爸爸是一个行船人,一年四季無幾工佇咧厝裡,我的媽媽是一个家庭煮婦,細漢的時陣攏是媽媽咧照顧我。我猶有一的大我真濟歲个姊姊,我是厝內傷細漢的,不過我的爸母buē因為a ne就較寵倖我。嘛因為我的爸爸時常攏無底厝內,所以厝內的大細項代誌攏是媽媽佇咧處理,煞造成我佮媽媽比爸爸koo較親。

細漢的時陣媽媽為著袂予我陪養好的氣質,所以送我起學習鋼琴佮跳舞,嘸過兩項做伙壓力傷大,所以媽媽決定予我學鋼琴就好阿,嘛因為學琴的關係,予我對音樂愈來愈有興趣,後來我就去考厝內附近國小的『國樂班』,我真幸運考牢阿,有一半的原因嘛是因為我捌學過鋼琴,所以對一寡音樂的知識較充分,考起來嘛較輕鬆,講起來這一切攏愛感謝我的媽媽。

對國小畢業了後,我就靠tiò我的國樂直接升去國中,繼續我的國樂生活,一直到高中,媽媽希望我好好讀冊,以後讀大學,所以我就選擇一个離厝較近的學校,佇咧高中的時陣我參加過真濟佮台語有關係的比賽,包含朗讀、字音字行…等等，嘛因為我讀的高中卡細間，所以我參加比賽的機會就會較濟，因為參加較濟這方面的代誌所以tsia-ê-tàng順利考牢台灣語文學係，希望以後會當對台語文學抑是台灣文化貢獻一分心力。